በስመ አብ ወወልድ ወመንፈስ ቅዱስ አሐዱ አምላክ አሜን!!
እኛም ጥምቀትና ቤተክርስቲያን እንፈልጋለን!!
የደቡብ ኦሞ ሀገረ ስብከት ስብከተ ወንጌል ማስፋፊያና ልማት ህንጻ ቤተክርስቲያን አሰሪ ኮሚቴ በደብረ ኢያሪኮ መድኃኒዓለም ቤተክርስቲያን በሰበካ ጉባኤው መልካም ፈቃድ የመድኃኒዓለም ዓመታዊ በአልን ምክንያት በማድረግ ከዋዜማው ረቡዕ ጥቅምት 26/2012 ዓ.ም ጀምሮ እስከ ዕሁድ ጥቅምት 30/2012 ዓ.ም ለአምስት ቀን የሚቆይ ልዩ አውደ ርእይ አዘጋጅቶ ይጠብቃችኃል፡፡
ከዚህ በፊት ይህ ልዩ አውደ ርእይ ወደ እዚህ ቤተክርስቲያን ይዘን እንድንመጣ ስትጠይቁ የነበራችሁ የኮሚቴው አባላትና የዓላማው ደጋፊዎች በሙሉ እንኳን ደስ አላችሁ እያልን፡፡
በእነዚህ ቀናቶች እየተገኛችሁ እግዚአብሔር በደቡብ ኦሞ እያደረገልን ያለውን ድንቅ ነገር እንድትመለከቱ እና ስለሆነው ሁሉ ልዑል እግዚአብሔርን እድታመሰግኑ ጥሪያችንን እናስተላልፋለን፡፡
የእግዚአብሔር ሰላም ከሁላችን ጋር ይሁን!!
